अछाम जिल्लाको बिकासका लागि कहिले पनी पछि हट्दिन : भिम रावल
कपन अनलाइन
अछाम ,कार्तिक २९/एकेन्द्र महता
नेकपा एमालेका केन्द्रिय कमिटी उपाध्यक्ष भिम रावलले समग्र जिल्लाको बिकासका लागि कहिले पनी पछि नहट्ने बताएका छन । बामगठन्धनको चुनावि प्रचारप्रसार अन्र्तगत रामारोशन गाउपालिका वडा नम्बर १ मलातिकोटमा भएको चुनावि सभालाई सम्बोधन गर्दै रावलले समग्र जिल्लाको सडक, विद्यालय, विद्युत, सञ्चारको क्षेत्रमा विगतमा पनी काम गर्दै आएको र आगामी दिनमा समेत गर्दै जाने बताएका छन।
अछाम क्षेत्र नम्बर १ बाट प्रतिनिधी सभाका उम्मेद्धार समेत रहेका रावलले काग्रेसले चलाईरहेको झुटको खेतीमा नलाग्न समेत कार्यकर्तालाई आग्रह गरेका छन । वडा अध्यक्ष खडक साउदको अध्यक्षतामा भएको कार्यक्रममा नेकपा माओवादि केन्द्रका पोलिट ब्युरो सदस्य तथा समानुपातिक उम्मेद्धार तारामान स्वार रहनु भएको थियो ।
कार्यक्रममा अन्य अतिथीमा पुर्व सभासद तथा एमाले अछामका अध्यक्ष शेर बहादुर कुवर, नेकपा माओवादि केन्द्रका केन्द्रिय सदस्य तथा अछाम ईञ्चार्ज खगेन्द्र रोकाया, केन्द्रिय सदस्य दिपक साउद, जिल्ला संयोजक झपट साउद, केन्द्रिय सदस्य झकर साउद, प्रदेश सभा खका उम्मेद्धार झपट बोहरा, समानुपातीक उम्मेद्धार कृष्ण प्रसाद जैसि, मिना साउद, जँग विक, केन्द्रीय आर्थिक विभाग सदस्य केसर साउद, नेकपा माओवादि केन्द्रका केन्द्रीय आयोजक कमिटी सदस्य आदर्श साउद, एमाले जिल्ला कमिटी सदस्य चक्र रावल, उमाकान्त खनालले शुभकामना मन्तव्य राख्नु भएको थियो । भरत बहादुर साउदको स्वागत मन्तव्यबाट सुरु भएको कार्यक्रम सञ्चालन रतन साउदले गर्नु भएको हो ।
तपाइँको प्रतिक्रिया ।
