नेपाल सरकारका उपसचिव नारायण प्रसाद खतिवडाको गिती संग्रह बजारमा
कपन अनलाइन
काठमाडौ,असोज ३० ।
नेपाल सरकारका उपसचिव नारायण प्रसाद खतिवडाले आफनो गिती संग्रह सम्झना पाइलाहरु बजारमा ल्याएका छन । सुनसरीको कालाबन्जार घर भइ हाल राष्ट्रिय योजना आयोग काडमाण्डौमा कार्यरत खतिवडाको सो गीति संग्रहमा १ सय ९ वटा गीत समावेश छन ।
जीवनका भोगाइलाई उनले गीतका शब्दमा उतारेका छन । जसमा माया, पिरती , संयोग , वियोग लगायत राष्ट्रियता र संस्कति झल्किने गीत संग्रहमा संकलित छन । उनका केही गीत रेकर्ड गरी रेडियो तथा एफएममा बज्न थालेका छन ।
उनका गीतमा दीपानारायण झा , इश्वर अमात्य , आलोश्री , महेश खड्का , शुभराज लगायतका चर्चित गायक तथा संगीतकारले स्वर तथा संगीत दिएका छन ।
केही गीतको म्यूजिक भिडियो बनाउने तयारी पनि भैरहेको गीतकार खतिवडाले बताए । हाल बुढानिलकण्ठ नगरपालिका वडा नं ११ प्रगतिचोकमा बस्ने खतिवडा सानै उमेर देखि गीत संगीत प्रति रुची राख्ने गर्दथे ।
