प्रथम किशुन जी स्मृती भेट्रान फुटवल प्रतियिगिताको उपाधी हिमालयन शेर्पा क्लवले जित्यो

कपन अनलाइन 

काठमाडौं ,असोज ७ ।

प्रथम किशुन जी स्मृती भेट्रान फुटवल प्रतियिगिताको उपाधी हिमालयन शेर्पा क्लवले जितेको छ ।आज भएको फाइनल खेलमा हिमालयन शेर्पा क्लवले एजे इन्टर प्राइजेज चावहिललाई ८ -२ गोल अन्तरले पराजित गरेको थियो ।

नेपाली कांग्रेसका केन्द्रिय सदस्य तथा पुर्व उप प्रधान मन्त्रि प्रकासमान सिंहको प्रमुख आतिथ्यतामा भएको फाइनलको औपचारिक कार्यक्रममा काठमाडौं क्षेत्र नं ४ का सांसद गगन कुमार थापा , एन्फाका पुर्व उपाध्यक्ष कर्मा छिरिंग शेर्पा , नेपाल ह्यान्डवल संघका बरिस्ट उपाध्यक्ष रामकृष्ण केसी ,काठमाडौं जिल्ला खेलकुद विकास समितिका अध्यक्ष धुर्वराज न्यौपाने ,नेपाली कांग्रेस काठमाडौं क्षेत्र नं ४ का सभापति राजु श्रेष्ठ,कांग्रेसकी नेत्री पवित्रा पोख्रेल ,राधा घले लगायतको उपस्थिति रहेको थियो ।

प्रतियोगिताको विजेता टिमले ट्रफीको साथमा नगद ५० हजार पुरस्कार प्रदान गरिएको थियो भने उप विजेतालाई ट्रफी सहित नगद २५ हजार प्रदान गरिएको थियो ।

प्रतियोगिताको उत्कृस्ट खेलाडी हिमालयन शेर्पाका कुमार थापा, एजेका मनु गौतम उत्कृस्ट रक्षक  घोषित भएका थिए भने गोल किपर पनि सोहि क्लवका राजेन्द्र गौतम बनेका थिए ।

प्रतियोगितामा जावलाखेल क्लवले फेयर प्लेको उपाधी प्राप्त गरेको थियो भने समापन समारोहमा प्रतियोगितामा सहयोग गर्ने सघ संस्था र व्यक्तिहरुलाई सम्मान पनि गरिएको थियो।