न्युछे नारायणको संकेतपूर्ण सक्रियता

कपन अनलाइन 

काठमाडौ,साउन ३१ ।

नेपाली कांग्रेसका पुर्व क्षेत्रीय सभापती न्युछे नारायण श्रेष्ठ अहिले बुढानिलकण्ठ नगरपालिका र क्षेत्रका विभिन्न वडाहरुमा सक्रियता पुर्वक हिडिरहेका रहेका देखिन्छन ।पछिल्लो समय क्षेत्र नं ४ का सांसद गगन थापा संगै हरेक स्थानीय कार्यक्रम तथा भ्रमणहरुमा देखिने श्रेष्ठको यो सक्रियतालाई संकेतपूर्ण मानिएको छ ।
अघिल्लो  क्षेत्रीय अधिवेसनमा राजु श्रेष्ठ संग पराजित भएका श्रेष्ठ बुढानिलकण्ठ नगरपालिकामा नेपाली कांग्रेसको तर्फ बाट प्रतिनिधि समेत रहेका थिए। तर क्षेत्रीय अधिवेसन पश्चात राजाराम बुढाथोकी नगरपालिका प्रतिनिधि बनेका थिए। स्थानीय तहको निर्वाचनमा  बुढानिलकण्ठ   नगरपालिकाको प्रमुखमा राजु श्रेष्ठले टिकट पाए पछि उनि ओझेलमा परेका थिए तर अहिले उनको सक्रियता एकाएक बढेको नेपाली कांग्रेसका एक सदस्यले बताए ।

उनि अहिले सांसद र अन्य नेताहरु संगै हरेक कार्यक्रम र पार्टी गतिविधिमा सामेल भैरहेका छन भने सरकार स्थानीय नगरपालिकामा योजनाहरुको लागी कुदिरहेका छन यो पक्कै कुनै राजनीतिक दौडको पूर्व अभ्यासको संकेत रहेको अर्का एक क्षेत्रीय नेताले बताए ।

रास्ट्रिय र प्रादेशिक संसदको लागी क्षेत्र निर्धारणको तयारी चलिरहदा अहिले स्थानीय नेताहरुको सक्रियता र दौडधुप बढिरहेको देखिन्छ ।  नयाँ बन्ने क्षेत्र वारे विविध अनुमान र चर्चा चलिरहदा बुढानिलकण्ठ नगरपालिकाका स्थानीय नेताहरुले  चुनाव केन्द्रित सक्रियता बढाएको  चर्चा बुढानिलकण्ठमा चल्न थालेको छ र यसैको संकेतको रुपमा श्रेष्ठको सक्रियतालाई लिइएकोछ ।

न्युछे नारायण श्रेष्ठ संगै बुढानिलकण्ठका कर्मा छिरिंग शेर्पा ,गोकर्ण केसी ,साधुराम खड्का ,आत्माराम पौडेल पनि आन्तरिक रुपमा यो दौडमा लागेको नेपाली कांग्रेस बुढानिलकण्ठका एक नेताले बताए ।