‘मेस्सी र रोनाल्डोको स्थान मैले लिनसक्छु’

कपन अनलाइन 

एजेन्सी, ७ साउन । बार्यन म्युनिखले हालै अनुबन्ध गरेका हामेश रोद्रिगेजले स्टार खेलाडीहरु लियोनल मेस्सी र क्रिस्चियानो रोनाल्डोको स्थान लिनसक्ने बताएका छन् । रियल मड्रिडबाट पर्याप्त खेल खेल्न नपाएपछि उनी लोनमा जर्मन क्लब बार्यन गएका हुन् ।बार्यन अनुबन्ध भए लगत्तै उनले आफ्नो कठिन योजनाबारे बताएका हुन् ।

सन् २०१४ मा ७० मिलियन युरोमा मोनाकोबाट रियल गएका उनले प्रशिक्षकहरु कार्लो एन्सेलोटी, राफा बेनेटिज तथा जिदान समक्ष आफ्नो क्षमता देखाउने अवसर नै पाएनन् । तर, एन्सेलोटीसँग भने उनको पुन भेट भएको छ ।

उनको करिअरले नयाँ मोड लिनेमा उनी दृढ छन् ।बार्यनमा पनि चर्चित खेलाडीहरुको संख्या उच्च रहेको छ । उनले टोलीमा आफ्नो ठाउँ सुरक्षित बनाउन कडा मिहेनत गर्नुपर्ने प्रशिक्षक एन्सेलोटी बताउँछन् ।हामेशले पनि पुर्ण खेल खेल्न पाए मेस्सी र रोनाल्डो स्थान आफुले लिन सक्ने बताएका छन् ।