बुनपा १३ मा चप्पल बनाउने तालिम सम्पन्न

कपन अनलाइन 

काठमाडौ, १० असार ।

बुढानिलकण्ठ नगरपालिका  वडा नं १३ मा रहेको चेतना महिला समूह द्वारा संचालित १५ दिने क्रिस्टल चुरा तथा मखमलको  चप्पल बनाउने तालिमको समापन भएको छ । साबिक चुनिखेल गाविस मा रहेको यस महिला समूहले संचालन गरेको तालिममा वडा नं १३ का महिला समूहका  प्रतिनिधि महिलाहरूको सहभागिता रहेको थियो ।

१५ दिन सम्म चलेको यस कार्यक्रम मा क्रिस्टल को चुरा र मखमली चप्पल बनाउने तालिम विभिन्न प्रशिक्षक ले प्रदान गर्नु भएको थियो । यस तालिमले महिलाहरूको आत्मनिर्भर बन्ने अभियानमा सकारात्मक सहयोग प्रदान गरेको तालिमकी  एक सहभागीले बताएकी छन ।

तालिमको समापन कार्यक्रम मा सहभागीहरूलाई प्रमाणपत्र प्रदान गरिएको थियो । यस अवसरमा तालिममा  सहभागीले तयार पारेका सामग्री पनि प्रदर्शन गरिएको थियो । कार्यक्रम मा भाइ नारायण श्रेष्ठ , हेमा अधिकारी लगायत को उपस्थिति रहेको थियो ।