‘अब गाउँगाउँमा विकासको लहर’

कपन अनलाइन 

दमौली, ३ असार । नेपाली काँग्रेसका वरिष्ठ नेता रामचन्द्र पौडेलले स्थानीय तहको निर्वाचनपछि गाउँगाउँमा विकासको लहर आउने बताउनुभएको छ ।

आवुखैरेनी गाउँपालिकाद्वारा आज आयोजित पहिलो चरणको स्थानीय तहबाट निर्वाचीत पदाधिकारीलाई स्वागत एवम् सम्मान कार्यक्रममा बोल्दै नेता पौडेलले गाउँ नगरलाई अधिकार सम्पन्न गराउन स्थानीय तहको निर्वाचन गरिएको बताउनुभयो । सिंहदवारको अधिकार गाउँमा आएको उहाँको भनाइ थियो ।

जनप्रतिनिधिलाई विकासका काममा सवैसँग हातेमालो गरेर अगाडि बढ्न नेता पौडेलले आग्रह गर्नुभयो ।

यसैबीच आजै नेपाली काँग्रेसबाट निर्वाचित जनप्रतिनिधिलाई नेता पौडेलले दमौलीमा आयोजित कार्यक्रममा सम्मान गर्नुभयो । रासस