केपी ओली भन्छन्– म फिल्म खेल्दिन

कपन अनलाइन 

काठमाडौं, २६ जेठ । प्रमुख प्रतिपक्षी दलका नेता नेकपा एमाले अध्यक्ष केपी शर्मा ओलीले फिल्म नखेल्ने बताएका छन् ।एमालेले बनाउन लागेको ‘रातो सूर्य’ नामको फिल्ममा ओली अभिनय गर्दै अभिनेतामा आउने चर्चा चलेका बेला उनले यस्तो बताएका हुन् ।

धेरै अभिनेता अभिनेत्री फिल्मसँगै नेता र नेत्री बन्न दौडधूप गरिरहेको सन्दर्भमा नेता नै अभिनेता हुने चर्चा चलेको थियो । ओलीले चुनावी अभियानका लागि बनाइएका कतिपय भिडियोमा भने अभिनय गरेका थिए ।

विहीबार विग भुमिजमा रातो घर फिल्म हेरेर निस्कने क्रममा उनले भने,‘म प्रष्ट भन्छु, फिल्म खेल्दिन ।’ उनले रातो घर राम्रो फिल्म भएको प्रतिक्रिया दिएका छन् ।नेपाली फिल्मको स्तर बढ्दै गएको जनाउँदै ओलीले फिल्म झापाको घटनामा आधारित रहेका कारणले चित्त बुझेको बताए ।