हतियारसहित दुई पक्राउ

कपन अनलाइन 

सप्तरी, १५ जेठ । दुई छुट्टाछुट्टै स्थानबाट हतियारसहित प्रहरीले आज दुई जनालाई पक्राउ गरेको छ । छिनन्नमस्ता गाउँपालिकास्थित बिसनपुरकट्टी चोकबाट प्रहरीले एक थान भारतीय पेस्तोल र त्यसमा प्रयोग हुने दुई थान गोलीसहित सोही ठाउँका १९ वर्षीय आदित्य शर्मालाई पक्राउ गरेको छ ।

त्यसैगरी जनतान्त्रिक मुक्ति मोर्चा (क्रान्तिकारी)को पर्चासहित रुपनी ¬¬१ का ३३ वर्षीय मोहमद नसिरलाई पनि पक्राउ गरिएको प्रहरी नायब उपरीक्षक यादवराज उप्रेतीले जानकारी दिनुभयो । उनलाई राजविराज नगरपालिका–८ बाट नियन्त्रणमा लिइएको हो । रासस