अछाममा नदीले बगाउँदा एकको ज्यान गयो

कपन अनलाइन

एकेन्द्र महता, अछाम अछामको साँफेबगर नगरपालिकामा पर्ने प्रभालि गाडमा नदीले बगायँदा एक जनाको ज्यान गएको छ ।

डोटी जिल्लाको जोरायल गाउँपालिका वडा नं. ३ साविकको घण्टेश्वर गाविस वडा नंं ३ गैरा घर भई हाल साँफे मार्तडी सडकमा काम गर्दै आएका हर्क रोकामगरको ज्यान प्रहरी निरीक्षक महेन्द्र कुमार कलौनीले बताए ।

अन्दाजी ५०–५५ बर्षका रोकामगर सडक निर्माण कार्यका लागि ढुङ्गा उत्खननका लागि खोलामा गएका र एक्कासी खालामा बाढी आएपछी खोलाको छेउमा ओत लागेका उनको ज्यान गएको हो । घटना भएको थाहा भए पछी स्थानीय बासी नदीकोबीच भागबाट लाश निकालेका थिए ।

रोकामगर संगै रहेका अरु साथिहरु भने बाँच्न सफल भएका प्रहरीले जनाएको छ । मृतक रोकायाका तीन छोरा र दुई छोरी रहेका खुलेको छ । घटनाको प्रारम्भिक अनुसन्धान पछी रोकायाको लाश पोष्टमार्टमका लागि जिल्ला अस्पताल मंगलसेन पठाईएको र घटनाको बारेमा उनका आफन्तलाई जानकारी गराईएको प्रहरीले बताएको छ ।