क्षेत्र नं. ८ को राष्ट्रपति रनिङ शिल्डका बिभिन्न प्रतियोगिता संचालित, भोलि समापन

कपन अनलाइन, काठमाडौँ । काठमाडौंमा संचालन भैरहेको राष्ट्रपति रनिङ शिल्ड प्रतियोगिताका खेलहरु संचालन हुने क्रममा क्षेत्र नं. ६ को कार्यक्रम हिजो शुरु भएको छ । जिखेविसले आयोजना गरेको यस कार्यक्रमको संयोजक भगवान प्रजापति हुन् ।

संयोजक प्रजापतिका अनुसार जिल्ला खेलकुद विकास समितिका अध्यक्ष ध्रुवराज न्यौपाने एक औपचारिक कार्यक्रमबीच सो प्रतियोगिताको हिजो उद्घाटन गरेका छन् । उद्घाटन कार्यक्रममा बोल्दै जिखेविस अध्यक्ष ध्रुवराज न्यौपानेले यस प्रतियोगिताले धेरै खेलाडी जन्माउने विश्वास गर्दै विद्यालयस्तरीय खेलकुदलाई जिखेविसले विशेष चासो राखेको बताए ।

 
स्थानीय एभिएम स्कूलमा भैरहेको प्रतियोगितामा २१ वटा विद्यालय समावेश भएको संयोजक प्रजापतिले कपन अनलाइनलाई बताए । कार्यक्रम फागुन १६ गते उद्योग मन्त्री नविन्द्रराज जोशीले समापन गर्नेछन् ।