आडाम्स ठिमीको २१ औँ वार्षिकोत्सव सम्पन्न

कपन अनलाइन 

भक्तपुर, ११ फागुन । मध्यपुरथिमि नगरपालिका– ९ स्थित सङ्गम कोलोनीमा रहेका बासिन्दाले यसक्षेत्रको विकास एवम् संवद्र्धनका लागि स्थापना गरेको आडाम्स ठिमीको २१ आँै वार्षिकोत्सव समारोह यहाँ सम्पन्न भएको छ ।

समारोहको उद्घाटन गर्दै नेपाली काँग्रेसका नेता एवम् सांसद रामेश्वर ढुङ्गेलले देशको विकासमा आफँै जुट्ने परम्परालाई सङ्गम कोलोनीका बासिन्दाले चरितार्थ गरेको र यस्तो कार्यलाई अरुले पनि अनुशरण गर्नुपर्ने बताउनुभयो ।

काँग्रेस भक्तपुर जिल्ला सभापति दुर्लभ थापाले समाजको विकासबाटै देशको विकास हुने भएकाले आफ्नो गाउँ र समाजको विकासमा लाग्नुपर्नेमा जोड दिनुभयो ।
आडाम्सका पूर्वअध्यक्ष डा अशोक महासेठले “सबैका लागि विकास, सबै विकासका लागि” भन्ने मूलनाराका साथ स्थापना भएको यस संस्थाले स्थानीय बासिन्दाबीच सद्भाव कायम गर्दै सामाजिक विकासका लागि अग्रसर हुँदै आएको बताउनुभयो ।
समारोहमा ३७ जनाले रक्तदान गरेका थिए भने ७५ वर्ष भन्दा माथिका ३५ जना ज्येष्ठ नागरिकलाई सम्मान गरिएको थियो ।

सो अवसरमा आयोजना गरिएको निःशुल्क स्वास्थ्य शिविरमा एक सय ३८ जनाको स्वास्थ्य परीक्षण गरी औषधिसमेत वितरण गरिएको संस्थाका अध्यक्ष इन्द्रकुमार श्रेष्ठले जानकारी दिनुभयो । रासस