दयाहाङको कान्छी बन्दै श्वेता

कपन अनलाइन 

काठमाडौं, ९ फागुन । लामो समयको फिल्मी अन्तरालपछि अभिनेत्री श्वेता खड्काले ‘कान्छी’ फिल्म बनाउने भएकी छन् ।

आकाश अधिकारीले निर्देशन गर्न लागेका फिल्म ‘कान्छी’ मा अभिनेता दयाहाङ राई र अभिनेत्री श्वेता खड्काको मुख्य भूमिका रहनेछ । ‘कोहिनूर’ पछि श्वेताले निर्माण गर्न लागेकी ‘कान्छी’ नारी प्रधान फिल्म हुने बताइएको छ ।

फिल्मको सम्पूर्ण कलाकार तथा प्राविधिक पक्का गरेर छिट्टै नै पत्रकार सम्मेलन गर्ने श्वेताले जानकारी दिइन् । यम थापाको स्क्रिप्ट रहेको फिल्म आगामी वर्षदेखि छायाँकंन सुरु हुनेछ ।