ट्रकको ठक्करबाट एकको मृत्यु

कपन अनलाइन, चितवन, २ मङ्सिर ।

नारायणगढ मुग्लिन सडकखण्डअन्तर्गत चण्डिभञ्ज्याङ–६ कालीखोलामा ट्रकले मोटरसाइकललाई ठक्कर दिँदा आज दिउँसो मोटरसाइकलमा सवार एकजनाको मृत्यु भएको छ ।

नारायणगढबाट मुग्लिनतर्फ जाँदै गरेको ना७ख १३४९ नंको ट्रकले मुग्लिनतर्फ जाँदै गरेको ना३०प ९३१४ नंको मोटरसाइकललाई ठक्कर दिँदा मोटरसाइकल चालकको मृत्यु भएको हो ।

मृत्यु हुनेमा लम्जुङ जिल्ला तारन्घाट–६ बस्ने २७ वर्षीय श्यामबहादुर विक रहेको जिप्रका, चितवनले जनाएको छ । ट्रकको ठक्करबाट घाइते भएका विकको उपचारका क्रममा कलेज अफ मेडिकल साइन्सेज, भरतपुरमा मृत्यु भएको हो । रासस