आज हुने अनुप प्रधानको चियापान, गुटगत राजनीतिभन्दा माथि उठ्ने आशा
कपन अनलाइन, १४ कात्तिक, २०७३
आज क्षेत्र नं. ४ तरुणदलको विशेष भेटघाट तथा चियापान कार्यक्रम आयोजना गर्दैछ । पछिल्ला समय चर्चामा रहेको नेपाली कांग्रेसको भातृ संस्था नेपाल तरुण दल काठमाडौं क्षेत्र नं. ४ ले पहिलो औपचारिक कार्यक्रम गर्ने क्रममा कार्तिक १४ गते विशेष भेटघाट चियापान कार्यक्रम आयोजना गर्न लागेको हो । क्षेत्र नं. ४ तरुणदलमा अनुप प्रधान अध्यक्ष भएपछि हुन लागेको चियापान कार्यक्रमलाई नेपालीहरुको महान पर्व दीपावली, नेपाल सम्बत्, छठ तथा ल्होसारको शुभकामनासँग जोडेर बनाइएको छ ।
गुटगत राजनीतिमा डरलाग्दोसँग विभक्त नेका क्षेत्र नं. ४ को राजनीतिमा तरुण दलको यो चियापान कार्यक्रमलाई महत्वका साथ हेरिएको छ । अनुप प्रधानले क्षेत्रको राजनीतिलाई मिलाएर जाने हैसियत राख्लान्् वा नराख्लान् भन्ने कोणबाटसमेत हेरिएको चियापान कार्यक्रम दिनको १२.३० बजे कमलपोखरीको अग्रवाल भवनमा हुने जनाइएको छ । क्षेत्रीय गुटगत राजनीतिले प्रभावित देखिएको चियापानको निम्तोमा प्रमुख अतिथि नलेखिनुलाई कतिले कार्यक्रमलाई गुटभन्दा माथि उठाउन प्रयासको रुपमा हेरेका छन् । तरूण दलको केन्द्रिय प्रत्यासीसमेत रहेका अनुप क्षेत्र नं ४ को राजनीतिको उदाउँदो चेहराको रूपमा लिइएकोछ ।
क्षेत्रको राजनीतिमा अनुपले अझै आफू कुन कित्ताको समेत भनेर नहिँडेको अवस्थामा आज हुने कार्यक्रमलाई धेरैले मेलमिलाप कार्यक्रम हुने आशा गरेका छन् ।
