टेकएनको गयौं तिमी शुटिङ सम्पन्न
टेकएनको गयौं तिमी शुटिङ सम्पन्न गायक टेकएन लुङ्गेलीको तिमीले मलाई धोका दियौं प्रिय बोलको लोक पप शैलीको गीतको म्युजिक भिडियो सोमबार राजधानी नजिकै गोदावरीमा शुटिङ सम्पन्न भएको छ | भुटानमा जन्मी नेपालमा हुर्की अमेरिकामा बसोबास गरिरहेका लुङ्गेली लामो समय देखि नेपाली संगीतमा समर्पित छन् |
लुङ्गेलीको यस अघि गीत रेकर्ड भए पनि बजारमा आउन पाएको थिएन| राम्रो म्युजिकक एल्बमको तैयारीमा रहेका उनको यस म्युजिक भिडियोलाई गीतकार तथा मोडेल दर्पण राईरे निर्देशन गरेका छन् भने फोटो पत्रकार नबिन बाबु गुरुङले छायांकन गरेका छन् | लुङ्गेलीको यस गीतलाई गीतकार राजेश अर्यालले लेखेका हुन् भने कुमार दुमी राईले संगीत गरेका छन्|
अहिलेकी चर्चित मोडेल अलिशा राई , दर्पण राई र थिएटर कलाकार तथा मोडेल अंकित खड्काको अभिनय रहेको यस म्युजिक भिडियो छिट्टै नै सार्वजानिक गरिने निर्देशक दर्पण राइले बताएका छन् |
