हतियारसहित पक्राउ परेका दुई सार्वजनिक

भक्तपुर, १०  कात्तिक । महानगरीय प्रहरी परिसर भक्तपुरले एक थान पेस्तोल र पेस्तोलमा प्रयोग हुने म्यागजिनसहित सूर्यविनायक पाण्डुबजारबाट पक्राउ गरेका दुई जनालाई हिजो  सार्वजनिक गरेकोे थीयो ।

भक्तपुर नगरपालिका–१६ दूधपाटी बस्ने २१ वर्षीय सुलभ जोशी र २७ वर्षीय ईश्वर चौगुठीलाई पक्राउ गरी हातहतियार तथा खरखजाना मुद्दा चलाएर अनुसन्धान भइरहेको महानगरीय प्रहरी परिसर भक्तपुरका प्रहरी नायब उपरीक्षक शेखर खनालले जानकारी दिनुभयो ।

सूर्यविनायक डेरामा बस्दै आएका चौगुठीका कोठाबाट पेस्तोल र म्यागजिनसहित उनीहरुलाई पक्राउ गरिएको हो ।