अल इ फुटबल लिग हुने

कपन अनलाइन
काठमाडौं, पुस १०।
अल इफुटबल इस्पोर्ट्स प्रालीको आयोजनामा इफुटबल इस्पोर्ट्स लिग आयोजना हुने भएको छ । आयोजकले मंगलबार भक्तपुरमा पत्रकार सम्मेलन गर्दै प्रतियोगिता यही पुस २१ गतेदेखि सुरु हुने जानकारी गरायो ।
पछिल्लो समयमा नेपालमा इस्पोर्ट्सको बढ्दो क्रेजलाई मध्यनजर गर्दै पहिलोपटक इफुटबल आयोजना गर्न लागेको आयोजक संस्थाका सागर घिमिरेले जानकारी दिए ।
प्रतियोगितामा ५० देखि ६० खेलाडीको सहभागिता अपेक्षा रहेको घिमिरेले जानकारी दिए । प्रतियोगिता च्याम्पियन्स लिग फर्म्याटमा आयोजना गरिनेछ ।
‘लिग चरण देखि क्वाटरपाइनलसम्मका खेलहरु घरबाटै अनलाइनमा खेलाइनेछ । सेमिफाइनल र फाइनल खेल भौतिक रुपमा गर्नेछौं ।’ घिमिरेले भने । अन्तिम चरणको खेल एक दिन सञ्चालन हुने सागर घिमिरेले बताए ।
प्रतियोगिताको लागि ५०० दर्ता शूल्क तोकिएको छ । यस्तै प्रतियोगिताको कूल पुरस्कार राशी १ लाख रहेको छ ।
यस प्रतियोगिताबाट खेलाडी उत्पादनमा सहयोग पुग्ने र आर्थिक रुपमा समेत खेलाडीलाई फाइदा पुग्ने आयोजकको विश्वास छ  ।