१७ औं फेका कप अन्तरविद्यालय छात्र फुटबल प्रतियोगितामा गोठाटार क्वाटरफाइनलमा

गोठाटार १७ औं फेका कप अन्तरविद्यालय छात्र फुटबल प्रतियोगितामा मंगलबार क्वाटरफाइनलमा प्रवेश गरेको छ ।
गोठाटारले कस्मिक इन्टरनेसनल एकेडेमीलाई टाइब्रेकरमा ५–४ ले पराजित ग¥यो । निर्धारित समयको खेल १–१ को बराबरीमा टुंगिएको थियो । गोठाटारका रिसब कार्की ‘म्यान अफ द म्याच’ घोषित भए ।
फेकाद्वारा आयोजित प्रतियोगितामा ओरिएन्टल र श्रमशील पनि क्वाटरफाइनलमा स्थान बनाउन सफल भए । ओरिएन्टलले प्रीतिमालाई ४–१ गोलले हरायो । ओरिएन्टलका ‘म्यान अफ द म्याच’ रोशन पकुवालले ह्याट्रिक गरे भने प्रतीक तामाङले १ गोल थपे । प्रीतिमाका निश्चल लामाले सान्त्वना गोल गरे ।
श्रमशीलले अक्षरालाई पेनाल्टी सुटआउटमा ५–३ गोलले पाखा लगायो । निर्धारित समयको खेल गोलरहित बराबरीमा सकिएको थियो । श्रमशीलका सोहन शाही ‘म्यान अफ द म्याच’ चुनिए । प्रतियोगिताअन्तर्गत बुधबार पनि ३ खेल हुनेछ ।