चुनिखेलमा तेश्रो य:मरी खाजा सड़क महोत्सवको तयारी पुरा, भोलि १ बजदेखि शुरु हुने
कपन अनलाइन
काठमाण्डौ ,मंसिर २७।
चुनिखेलमा तेश्रो य:मरी खाजा सड़क महोत्सवको तयारी पुरा भएको छ। भोलि मंसिर २८ गते देखि पुस २ गते सम्म हुने सो महोत्सवको सम्पूर्ण तयारी पुरा भएको वडा नं १३ का अध्यक्ष टिका नारायण श्रेष्ठले जानकारी दिएका छन।
वडा नं १३ का सदस्य तथा कार्यपालिका सदस्य रिना श्रेष्ठ ,वडा सदस्य मंगल नगरकोटी तथा राममाया बिकको उपस्थितिमा आयोजित पत्रकार सम्मेलनमा वडा अध्यक्ष श्रेष्ठले स्थानीय क्षेत्रका सम्पदा,संस्कृति,कला र साहित्यको विकासलाई प्राथमिकतामा राख्दै महोत्सव आयोजना गरिएको जानकारी दिएका छन।
उक्त महोत्सवमा स्थानीय उत्पादनका रुपमा रहेको य:मरीको प्रवर्धनका साथमा मौलिक नेवारी खाजा प्रदर्शनी लगायतका कार्यक्रमहरु रहेको बताउदै अध्यक्ष श्रेष्ठले स्थानीय उत्पादनको स्वाद संगै सो महोत्सवमा धिमे प्रतियोगिता , बाँसुरी प्रतियोगिता तथा भजन प्रतियोगिता मुख्य आकर्षणका रुपमा रहेका छन भने बाघचाल ,गट्टा र तेलकासा लगायतका स्थानीय खेलहरुको प्रतियोगीता पनि आयोजना गरेको जानकारी दिएका छन।
सो सडक महोत्सव अबधिभर चुनिखेलको इतिहास र मौलिकता झल्कने प्राचिन र मौलिक तस्विरहरुको प्रदर्शनी गर्नुका साथै चुनिखेलको पहिचान झल्कने पुराना बस्तुहरुलाई पनि अवलोकनका लागि राखिने पत्रकार सम्मेलनमा जानकारी दिइएको छ।
तपाइँको प्रतिक्रिया ।
