भोलिबाट तेस्रो बुढानीलकण्ठ मेयरकप फुटसल प्रतियोगिता हुने
कपन अनलाइन
काठमाण्डौ,फागुन ७।
“उत्साह, एकता, र शक्ति: खेलकूदमा हाम्रो अद्वितीयता” भन्ने मुल नाराका साथ फागुन ०८ गते (भोलिबाट) तेस्रो बुढानीलकण्ठ मेयरकप फुटसल प्रतियोगिता सुरु हुँदै छ ।
खेलको फागुन ८ गते बिहान ७ः३० बजे उद्घाटन हुने छ भने उद्घाटनको अवसरमा बुढानीलकण्ठ जनप्रतिनिधि र कर्मचारी विच मैत्रीपुर्ण खेल सञ्चालन हुने आयोजकले जनाएको छ । यस्तै फागुन ०९ गते हुने समापन समारोहको अवसरमा जनप्रतिनिधि VS पत्रकार विच मैत्रीपुर्ण खेल सञ्चालन हुने छ ।
फाुगन ०६ गते नगरपालिका सभाहलमा आयोजित टाईसिट-ड्र एवं पत्रकार सम्मेलन कार्यक्रम मार्फत प्रतियोगिताको सम्पुर्ण खेलहरु निर्धारण भएको छ । खेलको टाईसिट अनुसार पहिलो खेल डिफेन्डिन्ङ च्याम्पियन रेभ फुटबल टिम र एपेक्स क्लब विच हुने छ ।
वडा नं ०७, गल्फुटार स्थित चौर फुटसल मैदानमा हुने उक्त प्रतियोगितामा नगरपालिकाका स्थायि खेलाडीहरुको समुहले भाग लिएका छन् ।
7 ‘A’ शाईड ढाँचामा सञ्चालन हुने खेलहरु नकआउट चरणमा खेलाईने आयोजकले जानकारी दिएको छ ।प्रतियोगिताको विजेतालाई नगद रु. ७५ हजार र उपविजेतालाई रु. ३५ हजार पुरस्कार सहित रनिङ शिल्ड, मेडल र प्रमाण पत्र प्रदान गरिने छ ।
