नेसनल प्याब्सन बुढानिलकण्ठको मोडेल युनाइटेड नेसन (MUN) सम्पन्न
कपन अनलाइन
काठमाडौं,माघ १४।
नेसनल प्याब्सन बुढानिलकण्ठले बहुप्रतिस्ठत अन्तरास्ट्रिय स्तरको कार्यक्रम मोडेल युनाइटेड नेसन (MUN) सम्पन्न गरेको छ । तीन दिन सम्म चलेको उक्त कार्यक्रममा विभिन्न विद्यालयका विद्यार्थीहरुले विभिन्न देशको प्रतिनिधित्व गरेर संयुक्त राष्ट्र संघको कमिटी सेशनहरु र जेनेरल एसेमब्ली समेत चलाएको थियो ।
कार्यक्रममा प्रमुख अतिथिको रुपमा बुढानिलकण्ठ नगरपालिकाको नगर प्रमुख मिठाराम अधिकारीको उपस्थिती रहेको थियो भने नेसनल प्याब्सनमा आवद्ध विभिन्न विद्यालयहरुको प्रिन्सिपलहरुको उपस्थिति रहेको थियो ।
विभिन्न विधामा उत्कृष्ट प्रदर्शन गर्ने देशका प्रतिनिधिहरुलाई विशेष अवार्डले सम्मान समेत गरेको उक्त कार्यक्रम एतिहासिक र पृथक रहेको नगर प्रमुख आधिकारीले बताएका थिए । कार्यक्रमलाई नै अवलोकन गर्न भनेर बुटवल देखि काठमाडौं आएका एस के एस स्कुलका प्रिन्सिपल बासु उपाध्यले यस्तो फरक र नौलो कार्यक्रम गरेर नेसनल प्याब्सन बुढानिलकण्ठले देश भरिका प्याब्सन र नेसनल प्याब्सनका नगर, जिल्ला देखि लिएर केन्द्र सम्मका विभिन्न कमिटीहरुलाई आउट अफ दि बक्स सोच्न र काम गर्न ठूलो शिक्षा दिएको बताए ।
नेसनल प्याब्सन बुढानिलकण्ठका सचिव सुदिप काफ्लेले संचालन गरेको उक्त कार्यक्रममा स्वागत मन्तव्य कमिटीका कोषाध्यक्ष ईश्वर के सी राखेका थिए भने कार्यक्रमको अध्यक्षता नेसनल प्याब्सन बुढानिलकण्ठका अध्यक्ष तेन्जिङ भोटियाले गरेका थिए ।
