संदेश मुलक नाटक लिएर बुढानिलकण्ठमा “होचा पुड्का”, तिन नाटक प्रदर्शन

कपन अनलाइन

काठमाण्डौ,माघ ४।

बुढानिलकण्ठ नगरपालिकाको प्रांगणमा आज “होचा पुड्का” हरुले तिन वटा संदेश मुलक नाटक प्रदर्शन गरेका छन।

बुढानिलकण्ठ नगरपालिकाको सहयोग र नेपाल होचा पुड्का संघको प्रस्तुतिमा विभिन्न विषयका संदेश मुलक नाटक प्रदर्शन गरेका थिए।होचा पुड्का संघका कलाकारहरुको सहभागितामा तयार पारिएका नाटकहरुको लेखन प्रभाकर न्यौपाने र संयोजन श्याम कुमार पण्डितले गरेका थिए।

फोहोर मैला व्यवस्थापन सम्बन्धि जनचेतना मुलक नाटकबाट शुरु भएको प्रदर्शनमा घरपेटी र डेरावालको सम्बन्ध  सहित संदेश मुलक नाटक देखाइएको नगरपालिकाको वातावरण तथा विपद व्यवस्थापन महाशाखा प्रमुख बिनोद पाठकले जानकारी दिएका छन।