टाइम्स र रोयललाई नखिपोट बास्केटबल उपाधि, बुढानिलकण्ठ दोश्रो स्थानमा

कपन अनलाइन

काठमाण्डौ ,पुस ३।

टाइम्स र रोयलले दोश्रो नखिपोट खुला बास्केटबल प्रतियोगिताको उपाधि सोमबार जितेका छन् । टाइम्स पुरुष तथा रोयल महिला यु–२३ मा च्याम्पियन बनेका हुन् ।
नखिपोटस्थित आयोजक नखिपोट युवा क्लबको कभर्डहलमा भएको पुरुष फाइनलमा टाइम्सले बुढानीलकण्ठलाई ८४–७१ ले पराजित ग¥यो। टाइम्सको जितमा मनीष केसीले २८ अंक योगदान गरे ।
पहिलो क्वाटरमा १८–१४ को अग्रता लिएको टाइम्स दोश्रोमा १९–२० ले पछि प¥यो । टाइम्सले तेश्रो क्वाटरमा गरेको ३०–१६ को प्रदर्शन जितका लागि महत्वपूर्ण साबित भयो । अन्तिम तथा चौथो क्वाटरमा बूढानीलकण्ठले २१–१७ को अग्रता बनाएपनि जित हात पार्न सकेन ।
विजेताले १ लाख ५ हजार तथा उपविजेताले ५० हजार नगद पुरस्कार प्राप्त गरे । ‘मोस्ट भेलुएबल प्लेयर’ टाइम्सका सदीश प्रधानलाई २५ हजार नगद पुरस्कारबाट पुरस्कृत गरियो ।
महिलाको उपाधि भिडन्तमा रोशनी श्रेष्ठको १९ अंक सहयोगमा रोयलले बूढानीलकण्ठलाई ४८–३९ ले हरायो ।
पहिलो क्वाटरमा ८–१४ ले पछि परे पनि रोयलले बाँकीका ३ क्वाटरको नतिजा आफ्नो पक्षमा पार्दै उपाधि हात पार्न सफल भयो । रोयलले दोश्रोमा १३–५, तेश्रोमा १२–७ र चौथोमा १५–१३ को प्रदर्शन गर्यो  ।
पहिलो भएको रोयलले ५० हजार तथा दोश्रोमा रहेको बुढानीलकण्ठले २५ हजार नगद पुरस्कार पाए । ‘मोस्ट भेलुएबल प्लेयर’ चुनिएकी रोशनी श्रेष्ठले १० हजार नगद पुरस्कार पाइन् ।