जहरसिंपौवामा २ लाख पुरस्कार राशिको फुटबल प्रतियोगिता उद्घाटन

कपन अनलाइन

काठमाण्डौ ,असोज २० ।

शंखरापुर नगरपालिका वडा नं ३ स्थित जहरसिंपौवामा २ लाख पुरस्कार भएको फुटबल प्रतियोगिताको  शुरु भएको छ ।जहरसिंपौवा युवा क्लबको आयोजनामा भईरहेको सो प्रतियोगिता असोज १९ गतेदेखी कार्तिक ३ गतेसम्म संचालन हुनेछ।

२ लाख नगद पुरस्कार रहेको सो प्रतियोगितामा उत्कृष्ट खेलाडी सहित अन्य बिधामा समेत पुरस्कारको ब्यवस्था रहेको सो प्रतियोगिताको आज बागमती प्रदेशका सामाजिक बिकासमन्त्री कुमारी मोक्तानले एक कार्यक्रमको बिच उद्घघाटन गर्नुभएको हो।

कुल २४ टिम सहभागी रहेको सो प्रतियोगिताका सबै खेल जहरसिंपौवा खेलमैदानमा आयोजना हुने क्लबका अध्यक्ष बासु तामाङले बताउनुभयो।विभिन्न सामाजिक कार्यमा सक्रिय रहेको उक्त क्लबले सधैझै दशै लगायतका चाडपर्वको अवसरमा यो प्रतियोगिता आयोजना गरिएको हो।सो प्रतियोगीताले यस क्षेत्रको खेलकुदका साथै पर्यटन क्षेत्रको समेत बिकासमा टेवा पुर्याउने आयोजकले बताएको छ।