युट्युवबाट वान एक्स बेटको प्रचार गर्ने बुढानीलकण्ठ-११ का एक जना पक्राउ

वान एक्स बेटको प्रचार गर्ने गरेको आरोपमा अर्का युट्युबर पक्राउ परेका छन् । आफ्नो युट्युब च्यानलबाट वान एक्स बेटको प्रचारप्रसारमा सहयोग पुग्ने गरी प्रोमो कोड दिएर विज्ञापन गरेको आरोपमा प्रहरीले २२ वर्षीय राजकुमार थापालाई पक्राउ गरेको हो ।

प्रहरीका अनुसार उनको स्थायी घर काभ्रेपलाञ्चोकको तेमाल–८ हो । हाल उनी बुढानीलकण्ठ-११  बस्दै आएका थिए । उनीलाई सटेबाजी गर्न वा गराउन नहुने कसुरमा थप अनुसन्धानका लागि काठमाडौं प्रहरी परिसर पठाइएको छ ।