स्वर्गीय नेता आशिष श्रेष्ठको स्मृतिमा नेकपा एमाले काठमाण्डौले शोक सभा गर्ने

कपन अनलाइन

काठमाण्डौ ,असार १० ।

स्वर्गीय नेता आशिष श्रेष्ठको स्मृतिमा नेकपा एमाले काठमाण्डौले शोक सभा गर्ने भएको छ। नेकपा एमालेका जिल्ला कमिटी सदस्य रहेका स्वर्गीय श्रेष्ठको निधनमा दुख व्यक्त गर्दै शोक सभाको आयोजना गर्न लागिएको हो।

नेकपा एमालेको प्रारम्भिक कमिटी देखि दशकौ सम्म निरन्तर सक्रिय रहेका श्रेष्ठ काठमाण्डौ महानगरपालिका वडा नं ७ का पुर्व सचिव रहेका थिए भने रास्ट्रीय युवा संघ नेपालको क्षेत्रीय उपाध्यक्ष , जिल्ला कमिटी सदस्य हुदै केन्द्रीय कमिटीमा समेत योगदान पुर्याएका थिए ।

राजनीति संगै समाजसेवामा पनि निरन्तर सक्रिय रहेका उनको स्मृतिमा असार १३ गते चावहिलमा रहेको ए वान पार्टी प्यालेसमा बिहान ७.३० बजे हुने शोक सभामा सहभागिताका लागि कार्यक्रमको व्यवस्थापन गरिरहेको वडा नं ७ कमिटीका अध्यक्ष दिपेन्द्र पुडासैनीले आग्रह गरेका छन ।