डुवान समस्या समाधानका लागि काठमाण्डौ महानगरले “डुवान समाधान” स्वर्णिम कार्यक्रम लागु गर्ने
कपन अनलाइन
काठमाडौँ, असार ६।
काठमाडौं महानगरपालिकाले आगामी आर्थिक वर्ष २०८०/०८१ को नीति तथा कार्यक्रम ल्याएको छ ।
महानगरपालिकाका मेयर बालेन शाहले प्रस्तुत गरेको नीति तथा कार्यक्रममा डुवान समस्या समाधानका लागि “डुवान समाधान ” स्वर्णिम कार्यक्रम लागु गर्ने उल्लेख गरिएको छ।
सो नीति तथा कार्यक्रममा डुवान समस्या समाधानका लागि ड्रेनेज नेटवर्क प्लान तर्जुमा गरी कार्यन्वयन गर्ने उल्लेख गरिएको छ । त्यस्तै महानगरपालिकाका मेयर बालेन शाहले प्रस्तुत गरेको नीति तथा कार्यक्रममा १० वटा महानगर गौरवका योजना, केही स्वर्णिम योजना घोषणा गरेको छ ।
त्यस्तै महानगरबासीको दैनन्दिनका समस्या समााधन गर्न, महानगरपालिकाको सेवा प्रभावकारी बनाउन र शहरी शासनको सवाललाई दिगो व्यवस्थापन गर्न आवश्यक योजनालाई स्वर्णिम योजना भनिएको छ । महानगरका वडाबाट प्राप्त योजनालाई प्राथमिकता प्राप्त योजनाका रुपमा कार्यान्वयन गर्ने मेयर शाहले बताएका छन् ।
