भिजन क्लब अफ काठमाडौँ द्वारा शैक्षिक सामग्री प्रदान

कपन अनलाइन

काठमाडौँ, जेठ २९ । सामाजिक तथा मानवीय सेवा गर्ने उदेश्यका साथ् खोलिएको  भिजन क्लब इन्टरनेसनल  अन्तर्गतको भिजन क्लब अफ काठमाडौँ ले शैक्षिक सामग्री प्रदान गरेको छ । क्लबले  आइतबार  गोकर्णेश्वर नगरपालिका वडा नं २ नयाँपाटीमा संचालित श्री बाल सुधार माध्यमिक बिध्यालय  अध्यनरत बिद्यार्थीहरुको लागि  शैक्षिक सामग्री प्रदान गरेको हो ।

आर्थिक रुपमा कमजोर विद्यार्थीहरुको शैक्षिक विकासमा सहयोग पुगोस् भनेर  उक्त बिध्यालयका शिशु कक्षा देखि कक्षा ५ सम्मका  विद्यार्थीहरुलाई शैक्षिक  सामग्री  प्रदान गरेको हो । क्लबमा आवद्द  स्वयं सेवीहरुको आर्थिक सहयोगमा  विद्यार्थीलाई पठनपाठनमा सहजता गराउने उद्देश्यले शैक्षिक सामग्री अन्तर्गत कापी कलम  वितरण गरिएको आयोजकले जानकारी गराएको  छ ।

साथै उक्त बिध्यालयलाइ रु ५० हजार रुपैया समेत सहयोग गरेको क्लबले जानकारी गराएको छ। बिद्यार्थीहरुलाई भिजन क्लब इन्टरनेसनल  अन्तर्गतको भिजन क्लब अफ काठमाडौँका अध्यक्ष राज कृष्ण श्रेष्ठ, क्लबका सदस्य जिवन श्रेष्ठ लगायत क्लबका सदस्यहरुले आइतबार शैक्षिक सामग्री प्रदान गरेका हुन  ।