नागार्जुन नगरपालिकामा कृषकहरुलाई कृषि सामाग्री वितरण

कपन अनलाइन

काठमाडौं, जेठ ८ ।  नागार्जुन नगरपालिका ३  इचंगु नारायण मन्दिर परिसरमा कृषि सामाग्री वितरण गरिएको छ ।   जेठ ४ गते  नागार्जुन तरकारी ब्लक संचालन समन्वय समितीद्वारा संचालित प्रधानमन्त्री कृषि आधुनिकरण तरकारी ब्लक संचालन परियोजना तरकारी खेतीको लागी बागमती प्रदेश सरकार कृषि ज्ञान केन्द्र ललितपुर बाट किसानहरूको लागी ५०% साझेदारीको कार्यक्रम आ.व०७९/०८० को बिनियोजन बजेट रकम रू,१२,००,०००।- (बाह्र लाख रूपँया)को कृषि सामाग्री वितरण गरीएको हो ।

काठमाडौं निर्वाचन क्षेत्र नं ७(२)बागमती प्रदेश सभा सदस्य माननीय प्रकाश श्रेष्ठको प्रमुख आतिथ्यमा सम्पन्न उक्त कार्यक्रममा नागार्जुन नगरपालिका का उप-प्रमुख  शुसिला अधिकारी कृषि ज्ञान केन्द्र ललितपुरका प्रमुख  नारायण कुमार श्रेष्ठ , वडा अध्यक्ष  उमेश लामा वडा सदस्य बम बहादुर श्रेष्ठ लगायत नागार्जुन नगरपालिका वडा नं ३ र ८ का कृषकहरु सहित स्थानीयको उपस्थिति रहेको थियो ।