दक्षिणकालीमा तेस्रो राष्ट्रिय मेयरकप तथा सातौं केभिन रोहन स्मृति उपत्यकाव्यापी च्याम्पियनशिप सम्पन्न

कपन अनलाइन

काठमाडौं फाल्गुन २८ । दक्षिणकाली नगरपालिकामा तेस्रो मेयर कप तथा सातौं केभिन रोहन स्मृति उपत्यकाव्यापी सिनक्योकुसिन फुल कन्ट्याक्ट कराते प्रतियोगिता सम्पन्न भएको छ । स्वास्थ्यका लागि खेलकुद, राष्ट्रका खेलकुद भन्ने नारा सहित दक्षिणकाली नगरपालिका वडा नं १ घट्टेचौरमा नेपाल सिनक्योकुसिन काई कराते संघ चाल्नाखेलद्वारा आयोजित तेस्रो मेयर कप तथा सातौं केभिन रोहन स्मृति उपत्यकाव्यापी सिनक्योकुसिन फुल कन्ट्याक्ट कराते प्रतियोगिता प्रतियोगिता भव्यताका साथ सम्पन्न गरिएको हो ।

दक्षिणकाली नगरपालिकाका प्रमुख मोहन बस्नेत प्रमुख आतिथ्यमा सम्पन्न  उक्त कार्यक्रम बुबा कृष्ण गुरुङ र आमा लिला थापामगरका छोरा केविन रोहन गुरुङको सम्झनामा कार्यक्रम गरिएको हो ।एसियाली प्रमुख विश्व कराते संगठन  WKO का जेबी सुजोतोको समेत  उपस्थिती रहेको उक्त कार्यक्रममा उप प्रमुख बसन्ती डंगोल तामाङ,नेपाल सिनक्योकुसिन कारातेका प्रमुख तथा महासचिव ब्रान्चचिफ सूर्यबहादुर बुढाथोकी संयोजक विनोद गुरुङ जनप्रतिनिधि  लगायत आयोजकसंस्थाका पदाधिकारी सहित खेलाडी र खेल प्रेमी दर्शकहरुको उपस्थिति रहेको थियो ।