मानव सेवा आश्रमलाई सेन्ट लरेन्स कलेज चाबहिलको सहयोग

कपन अनलाइन

काठमाडौँ, फाल्गुन १६। काठमाण्डौ महानगरपालिका वडा नं ७ चावहिलमा रहेको  सेन्ट लरेन्स कलेजले मानव सेवा आश्रमलाई सहयोग गरेको छ। शनिबार कलेजले  लायन्स क्लब अफ काठमाडौं युनाइटेड संगको सहकार्यमा  सामाखुसी स्थित मानव सेवा आश्रमलाइ न्यानो कपडा र शैक्षिक सामग्री वितरण गर्नुको साथै भोजन समेत गराएको कलेजका अध्यक्ष  केशब प्रसाद दंगालले कपन अनलाइनलाइ जानकारी गराए।

कलेजले सामाजिक उत्तरदायित्व अन्तर्गत बिभिन्न सामाजिक कार्य गरिरहेको  जानकारी दिदै भोजन वितरण तथा ज्येष्ठ नागरिक सम्मान नाम दिइएको उक्त कार्यक्रम सेन्ट लरेन्स सोसियल क्लबको सक्रियतामा  भएको समेत गराए । ज्येष्ठ नागरिक आमाहरुको लागि पछ्यौरा र बालबालिकाको लागि कापी कलम लगायत स्टेसनरी सामग्री वितरण गरेको कलेजले जनाएको छ ।

बिद्यार्थीहरुमा  सहयोगको भावना विकास गर्नर  ज्येष्ठ नागरिक प्रतिको उत्तरदायित्व सिकाउन समेत उक्त कार्यक्रम फलदायी भएको  अध्यक्ष दंगालले जानकारी गराए ।