कपन साहित्य समाजले “कपन दर्पण” लोकार्पण तथा कसास यात्री स्मृति सम्मान प्रदान गर्ने
कपन अनलाइन
काठमाडौँ ,माघ १९।
कपन साहित्य समाजले माघ २० गते शुक्रबार एक विशेष कार्यक्रम आयाेजना गरी नेपाली साहित्य क्षेत्र अग्रणी व्यक्तिवहरूलाइ सम्मान गर्ने भएकाे छ ।
यस वर्ष कपन साहित्य समाजले कसास यात्री स्मृति सम्मान २०७७ प्रा. डा. अभि सुवेदी तथा कसास यात्री स्मृति सम्मान २०७८ प्रा. डा. गार्गी शर्मालाइ प्रदान गर्ने निर्णय गरेको छ।
संस्थाकाे भवन बुनपा १० आकाशेधारामा बिहान ८ बजे हुने कार्यक्रममा कपन दर्पणकाे कविता विशेषांक विमाेचन हुने पनि संस्थाले जारी गरेकेा वक्तव्य तथा निमन्त्रणा पत्रमा उल्लेख गरिएकाे छ ।
कपन साहित्य समाजले संस्थाका परिकल्पनाकार स्वर्गीय पूर्णप्रकाश नेपाल यात्रीकाे स्मृतिमा हरेक वर्ष एकजना भाषासेवा तथा वरिष्ठ साहित्यकारलाइ सम्मान गर्दै आएकाे छ ।२०६१ सालमा स्थापना भएको कपन साहित्य समाजले नियमितरूपमा साहित्यिक गतिबिधिमा सक्रिय रहेकाे संस्था हाे ।
