वैशाखी टेकेरै विकास निर्माणको अनुगमन गर्न निस्किए कागेश्वरी मनोहरा नगर प्रमुख उपेन्द्र कार्की

कपन अनलाइन

काठमाडौं पौष २० । कागेश्वरी-मनोहरा नगरपालिकाका नगर प्रमुख उपेन्द्र कार्की वैशाखी टेकेरै भए पनि  नगरमा भए गरेका विकास निर्माणको अनुगमन गर्न फिल्डमा खटिएका छन । केहि समय अघि खुट्टामा  खुट्टामा चोट लागेपछि  प्रमुख   कार्की आराम गर्नुपर्ने अवस्थामा छन् तर,खुट्टा फ्याक्चर भएको अवस्थामा पनि उनले बैशाखी टेकेर सोमबार निर्माणाधीन खेलमैदानको अनुगमन गरेका हुन ।

नगर क्षेत्र भित्र निर्माण हुँदै गरेको पाटीटार खेल मैदानको निरीक्षण गर्दै नगरप्रमुख कार्कीले विकास निर्माणको काममा आफू सुतेर बस्न नसक्ने बताएका छन  । निर्माण समितिका अध्यक्ष दिनेश प्रसाद फुयाल सहित ईन्जिनियर र ठेकेदारसंगै फिल्ड पुगेका कार्कीले निर्माणाधीन पाटीटार खेल मैदानको कामको अनुगमन र अवलोकन गर्दै खेल मैदानमा आवश्यक कार्यहरु क्रमबद्द रुपमा सम्पन्न गर्दै जानुपर्ने आवश्यकता औंल्याए ।

उनले राष्ट्रिय खेल मैदान निर्णाणका विशेषयज्ञको परामर्ष प्रक्रिया र इन्जिनियरिङ प्रक्रिया अनुरुप थप कार्यको सुरूवात गरि खेल मैदानलाई नगर भित्रको नमुना र व्यवस्थित खेल मैदानको रुपमा स्थापित गर्ने प्रतिबद्धता समेत जनाएका छन  ।  शारीरिक अवस्था कमजोर भए पनि मानसिक  रुपमा सदैब जनपक्षिय जिम्मेवारि बहन गर्न सक्षम  रहेको बताउने नगर प्रमुख कार्कीले  कागेश्वरि मनोहरा वडा नं८ स्थित हालै पिच सम्पन भएको एयर्रपोर्ट डाडाको बाटोको स्थलगत निरिक्षण गर्नुको  साथै स्थानियहरू संग  समेत छलफल गरेका थिए ।