गोकर्णेश्वर ४ मा रोकिएको ऐतिहसिक श्री नवदुर्गा नांच आज बाट पुनः सुचारु हुने
कपन अनलाइन
काठमाडौं पौष ११। गोकर्णेश्वर नगरपालिका वडा नं ४ मा रहेको श्री तलेजु भवानी पुजा तथा जात्रा संचालन समितिद्वारा रोकिएको ऐतिहसिक श्री नवदुर्गा नांच आज बाट पुनः सुचारु गर्ने भएको छ ।गोकर्णेश्वर नगरपालिकाको आर्थिक सहयोगमा ऐतिहासिक नगर भक्तपुर नगरपालिकाको मानव समाजमा आधारित जीवित देवताको रुपमा पुजिने श्री नवदुर्गा देवगण जात्रा आज साँझ ४ बजे बाट गोकर्णेश्वर नगरपालिका वडा नं ४ को देशेमा संचालन हुने भएकोले उक्त जात्रामा सहभागी हुने आयोजकले अनुरोध गरेको छ ।
साँझ ४ बजे जात्रा शुरु हुने छ भने आज नै साँझ ६ बजे गांछीनाच ,रात्री नाच,(म्ह पुजासमेत) हुने आयोजकले जानकारी गराएको छ। त्यसैगरि भोलि पौष १२ गते बिहान ८ बजे बाराही नाच , बिहान १० बजे सिम्हा दुम्हा न्यालाकेगु जात्र हुनेछ त्यसैगरि अपरान्ह १ बजे महाकाली नाच ,अपरान्ह ३ बजे स्वेत भैरव न्यालाकेगु जात्रा सहित सांझ ६ बजे जात्रा सम्पन्न हुने आयोजकले जानकारी गराएको छ ।
