पाँचौ चक्र बहादुर स्मृति अन्तर बिध्यालय छात्र फुटबल प्रतियोगिता हुने
कपन अनलाइन
काठमाडौँ पौष ४ । गोकर्णेश्वरमा पाँचौ चक्र बहादुर स्मृति अन्तर बिध्यालय छात्र फुटबल प्रतियोगिता २०७९ हुने भएको छ । गोकर्णेश्वर नगरपालिका संगको सहकार्यमा छहारी युवा क्लबको आयोजनामा २०७९ साल पौष ९ गते बाट गोकर्णेश्वर नगरपालिका भरि संचालनमा रहेका बिध्यालयका बिद्यार्थीहरुको सहभागीता रहने उक्त प्रतियोगिता गोकर्णेश्वर नगरपालिका वडा नं ८ मा रहेको नेपालय इंगलिस पब्लिक स्कुलको खेलमैदानमा संचालन हुने कार्यक्रम संयोजक संगम थापा श्रेष्ठले जानकारी गराएका छन् ।
शैक्षिक ज्ञान र शिप विकास को साथ साथै खेलको माध्यम बाट आचरण सुधार गर्दै खेल कौशलको विकास गर्दै अन्य शैक्षिकसंस्थाहरु संगको सम्बन्ध प्रगाढ बनाई उत्कृष्ट खेलाडी उत्पादनमा सहयोग भन्ने हेतुले छहारी युवा क्लबको अग्रसरतामा हुन लागेको सो प्रतियोगितालाइ सफलतापुर्वक सम्पन्न गर्नको लागि गोकर्णेश्वर नगरपालिका भित्र संचालनमा रहेका बिद्यालयले सो प्रतियोगितामा सहभागिता जनाई सहयोग गर्नको लागि पनि उनले अनुरोध गरेका छन। प्रतियोगितामा बिजयी खेलाडीले नगद सहित ट्रफी मेडल र प्रमाण पत्र प्राप्त गर्ने पनि आयोजकले जानकारी गराएको छ ।
