शंखरापुर युथ क्लब द्वारा आयोजित राष्ट्रिय रेपिड चेस प्रतियोगिता सम्पन्न

कपन अनलाइन

काठमाडौँ, असोज १०। शंखरापुर युथ क्लबको आयोजनामा भएको राष्ट्रिय रेपिड चेस प्रतियोगिता २०७९ को ७ राउण्डको खेल सम्पन्न भएको छ । समरा गार्डेन साँखुमा स्वीस लिग प्रणालीबाट खेलाईएको  सो प्रतियोगितामा भक्तपुरका खेलाडी गणेशमान दुवाल प्रथम भएका छन् भने दितीय आशिष फुयाल, तृतीय ,बद्रिलाल नेपाली, चौथोमा बिलमलाल श्रेष्ठ, पाँचौमा कमल श्रेष्ठ, छैठौँमा खोमप्रसाद तिमल्सिना, सातौँमा सुरोज महर्जन, आठौँमा निकेन कुसाथा, नवौँमा नविन तण्डुकार र दशौँमा प्रकाश सुवेदी विजयी भएका छन् ।

त्यसैगरी १८०० भन्दा कम रेटेड तर्फको खेलमा हरि सुब्बा विजयी भएका छन् भने १६०० भन्दा कम रेटेड तर्फको खेलमा सुमन मोक्तान, शंखरापुर च्याम्पियनमा उत्सर्ग पोखरेल, अनरेटेड च्याम्पियनमा बाबुराजा श्रेष्ठ, महिलातर्फको च्याम्पियनमा सिन्दिरा जोशी, बेस्ट यु १६ मा गौरब सिं बोहोरा र बेस्ट भेटरान ५५ वर्ष माथिकोमा राजेन्द्र प्रसाद श्रेष्ठ विजयी भएका छन ।विजयी खेलाडीहरुलाई शंखरापुर नगरपालिकाका प्रमुख  रमेश नापित  उप प्रमुख समिता श्रेष्ठ ,पूर्व नगर प्रमुख सुवर्ण श्रेष्ठ लगायतले पुरस्कार वितरण गरेका थिए । कार्यक्रममा बोल्ने वक्ताहरुले बिजयी खेलाडीहरुलाई बधाई दिदै बुद्दिचाल खेलले मानसिक बिकासमा टेवा पुर्याउने हुँदा यस्ता प्रतियोगिताले निरन्तरता पाउनुपर्नेमा जोड दिएका थिए ।