बुढानिलकण्ठका विद्यार्थीहरुलाई नगरपालिका चिनाउदै उद्दव प्रसाद खरेल

कपन अनलाइन

काठमाण्डौ ,भाद्र १।

बुढानिलकण्ठ नगरपालिकाका पुर्व प्रमुख उद्दव प्रसाद खरेल अहिले विद्यार्थीहरुलाई नगरपालिका चिनाउने अभियानमा सक्रिय रहेका छन।

बुढानिलकण्ठ नगरपालिकाका विभिन्न विद्यालयहरुमा पुगेर नगरपालिकाको परिचय,संविधानको इतिहास,तिन तहका सरकार र तिनको काम कर्तव्य र अधिकारका वारेमा विद्यार्थीहरु संग अन्तर्क्रिया गरेका खरेलले नगरका सबै विध्यालयमा पुग्ने योजना रहेको जानकारी दिएका छन।

२०७४ सालमा बुढानिलकण्ठ नगरपालिकाको नगर प्रमुखमा विजयी बन्दै ५ वर्ष नगरको नेतृत्व  गर्दाको समयको आफ्नो अनुभव र ज्ञानलाई युवा पुस्ता विच साट्न यो अभियान सुरु गरेको बताउने खरेल १६ वर्ष भन्दा बढी शिक्षण पेसामा  सक्रिय रहेका थिए।

खरेलले हालसम्म बिएमसिए ,धुर्वतारा ,सेन्ट जेभियर्स ,भिक्टर ह्युगो लगायत विद्यालयहरुका सयौ विद्यार्थीहरु संग अन्तरक्रिया गरेका खरेल नेकपा एमाले बागमती प्रदेस कमिटी सचिवालय सदस्य रहेका छन।