बुढानिलकण्ठमा नेकपा एमालेको पालिका संसदीय दल गठन,नेतामा अधिकारी र उपनेतामा लामा

कपन अनलाइन

काठमाण्डौ ,जेष्ठ २२।

बुढानिलकण्ठ नगरपालिकामा नेकपा एमालेको पालिका स्तरीय संसदीय दल गठन गरिएको छ। बुढानिलकण्ठ नगरपालिकामा नेकपा एमालेका तर्फबाट उम्मेदवार बनेर विजयी प्राप्त गरेका जनप्रतिनिधिहरुको भेलाले उक्त संसदीय दल गठन गरेको हो।

नेकपा एमाले  बुढानिलकण्ठको उपस्थितिमा भएको जनप्रतिनिधिहरुको भेलाले नगर प्रमुख मिठाराम अधिकारी नेता र उपप्रमुख अनिता लामा उपनेता रहेको संसदीय दल चयन गरेको छ।

नगरपालिकामा हुने कामकारवाहीलाई प्रभावकारी बनाउन पार्टी र निर्वाचित जनप्रतिनिधिहरु विच समन्वय ,सहकार्य र सहजीकरणका लागि पालिका स्तरीय संसदीय दल गठन गरिएको नेकपा एमाले बुढानिलकण्ठका अध्यक्ष प्रदिप डंगोलले जानकारी दिएका छन।

स्थानीय तहको निर्वाचनमा आरामदायी बहुमत सहित विजयी बने संगै विभिन्न समितिहरुको गठनलाई तीव्रता दिएको बताउदै अध्यक्ष डंगोलले अन्य जिम्मेवारी र भूमिकाका लागि पनि संसदीय दलले महत्वपूर्ण काम गर्ने विस्वास व्यक्त गरेका छन ।