जोमसोमका लागि उडेको तारा एयरको जहाज लेतेमाथीको डाँडामा दुर्घटना भएको आशंका

कपन अनलाइन

काठमाण्डौ ,जेष्ठ १५ ।

पोखराबाट उडेको तारा एयरको जहाज अझै सम्पर्कमा आएको छैन ।

जोमसोमका लागि उडेको उक्त जहाज मुस्ताङको लेतेमाथीको डाँडामा दुर्घटना भएको आशंका गरिएको छ । तर, पुष्टि भएको छैन ।

जोमसोमबाट भर्खरै खोजीका लागि हेलिकोप्टर उडेको छ । मौसम खराव भएका कारण समस्या भैरहेको जोमसोम विमानस्थलले जनाएको छ ।

उक्त जहाजमा चालक दलका तीन सदस्यसहित १९ जना सवार थिए ।

विमानमा २ विदेशी, ४ भारतीय र १३ नेपाली यात्रु र ३ सदस्यीय चालक दल रहेका थिए । जहाजलाई क्याप्टेन प्रभाकरप्रसाद घिमिरेले उडाएका थिए ।