चामुण्डा देबीको दर्शन गर्दै शुरु गर्यो नेपाली कांग्रेस गोकर्णेश्वरले घर दैलो अभियान

कपन अनलाइन

काठमाडौँ,बैशाख १९ ।स्थानीय निर्वाचनको सरगर्मी बढेसंगै राजनीतिक दलहरुले घरदैलो अभियानलाई तीब्र पारेका छन् । नेपाली कांग्रेस  गोकर्णेश्वरका  मेयर, उपमेयर, वडाध्यक्ष र वडासदस्य पदका उम्मेदवारले पनि आइतबार बाट घरदैलो अभियान शुरु गरेका छन। नगरलाई कांग्रेसमय बनाउने योजनाका साथ उम्मेदवारहरुले  चुनावी घरदैलो शुरु गरेका हुन । गोकर्णेश्वर  नगरपालिका वडा नं ५ स्थित चामुण्डा देबीको मन्दिर दर्शन गर्दै घर दैलो शुरु भएको हो ।वडा वडामा निर्वाचन परिचालन समिति बनाएर नेपाली कांग्रेस चुनाबी प्रचार अभियानमा होमिएको हो।

“सुशासन र समृद्धिका लागि युवा नेतृत्व लाई जिम्मेवारी म बनाउछु मेरो नगर” भन्ने मूल नाराका नारासहित आइतबार बाट कार्यकर्ताको घरदैलोमा मत माग्न हिडेका हुन् । नगरमा नेपाली कांग्रेसले जनताको हकहितमा काम गरेको हुँदा विजयी हुने सुनिश्चितताका साथ मत माग्न गोकर्णेश्वर वडा नं ५ जोरपाटी बाट घर दैलो  अभियानमानगरप्रमुखका उम्मेदवार दिपक रिसाल  उप प्रमुखकी उम्मेदवार  शान्ति नेपाल  गोकर्णेश्वर ५ वडा अध्यक्षका उम्मेदवार नारायण बहादुर सुवेदी, वडा सदस्यका उम्मेदवार सहित क्षेत्रीय सभापति सन्तोष चालिसे लगायत नेपाली कांग्रेसका स्थानीय नेता तथा कार्यकर्ताको उपस्थिति रहेको थियो  ।

उम्मेदवारहरुले  वडा तथा नगर बिकासको योजना र प्रतिबद्धता साथ घर चुनावी घरदैलो शुरु गरेको बताएका छन । उम्मेदवार सहित घर दैलोमा जाँदा स्थानीयले  नेपाली कांग्रेसका उम्मेदवारलाइ मत दिने प्रतिबद्धता ब्यक्त गरेको वडा अध्यक्षका उम्मेदवार नारायण बहादुर सुवेदीले  कपन अनलाइनलाइ जानकारी गराए  ।

आइतबार नै वडा नं ५ र ६ मा घर दैलो गरेको टोलि अपरान्ह गोकर्णेश्वर नगरपालिका वडा नं १ सुन्दरीजल स्थित बिपी संग्राहलय पुगी बिपी गणेश मान कृष्णप्रसाद भट्टराई लगायतको सालिकमा माल्यार्पण गरि वडा नं १ को  कुने, चिलाउने, मुलखर्क लगायतको क्षेत्रमा मत माग्न पुगेका थिए ।