गोकर्णेश्वरको गुप्ती गणेश मन्दिर परिसरमा गणेश आरती शुभारम्भ

कपन अनलाइन

काठमाडौँ, चैत्र १० । गोकर्णेश्वर नगरपालिका वडा नं ४ मा रहेको गुप्ती गणेश मन्दिर परिसरमा गणेश आरती शुरु गरिएको छ ।

 मंगलबार  गुप्तीगणेश मन्दिर उपभोक्ता समितिको आयोजना भएको उक्त कार्यक्रमका प्रमुख अतिथि गोकर्णेश्वर नगरपालिका प्रमुख सन्तोष चालिसेले  साउण्ड सिस्टम तथा स्टेज हस्तान्तरण गरि गणेश आरतीको शुभारम्भ गरेका हुन ।

 धार्मिक परम्परालाइ जोगाउनुको साथै  गणेश मन्दिर जगेर्ना गर्ने उदेश्यका साथ शुरु गरिएको उक्त आरती कार्यक्रममा उप प्रमुख शान्ती नेपाल, गोकर्णेश्वर नगरपालिका वडा नं ४ का वडा अध्यक्ष श्रीकुमार श्रेष्ठ गोकर्णेश्वर नगरपालिका वडा नं ९का वडा सदस्य हरिकृष्ण कारंजित ,यज्ञडोल जगडोल सामुदायिक बनका अध्यक्ष सुदर्शन सिग्देल लगायत स्थानीय बासिन्दाहरुको उपस्थितिमा प्रथम पटक गणेश आरती शुरु गरिएको हो ।

 भजन किर्तन सहित ५ बजे बाट  सुरु भएको उक्त  गणेश आरती साँझ ७ :३० बजे सम्म चलेको थियो ।  गोकर्णेश्वरको महत्व बुझाउन र  नगरपालिकाले नगरपालिका भित्र रहेका बिभिन्न मठ मन्दिरमा आरती  गर्दै आएको छ । गणेश आरती  शुभारम्भ गर्दै  नगर प्रमुख  सन्तोष चालिसेले पर्यटन प्रवद्र्धनमा आरतीले थप टेवा पुग्ने विश्वास व्यक्त गरेका थिए ।