काठमाण्डौ महानगरपालिका वडा नं ६ अध्यक्ष : को को छन नेकपा एमालेका सम्भावित दावेदारहरु ?
कपन अनलाइन
काठमाण्डौ ,चैत्र ७।
२०७९ बैशाख ३० स्थानीय तहको निर्वाचन घोषणा संगै काठमाण्डौ महानगरपालिका वडा नं ६ को अध्यक्षमा सम्भावित उम्मेदवार र दावेदारहरुका वारेमा अनौपचारिक चर्चा शुरु भएको छ।
शाखा र टोल कमिटीमा सर्वसम्मत नेतृत्व चयन गरेको नेकपा एमालेका तर्फबाट वडा अध्यक्ष पदमा दावेदारी दिनसक्ने केहि नेताहरुको वारेमा यहाँ चर्चा गरिएको छ।
१. भुम्बो छेवांग लामा ( बिरेन्द्र )
नेकपा एमालेका जिल्ला कमिटी सदस्य भुम्बो छेवांग लामा (बिरेन्द्र ) आसन्न स्थानीय तहको निर्वाचनमा नेकपा एमालेको तर्फबाट काठमाण्डौ महानगरपालिका वडा नं ६ को अध्यक्षमा सम्भावित दावेदारका रुपमा रहेका छन।
२०७४ सालको स्थानीय तहको निर्वाचनमा नेकपा एमालेको तर्फ बाट वडा अध्यक्षको उम्मेदवार बनेर ३००६ मत प्राप्त गरेका लामा राजनीति संगै विभिन्न सामाजिक गतिविधिहरुमा पनि सक्रिय रहेका छन।
२. हरिबोल बोगटी
नेकपा एमालेका जिल्ला कमिटी सदस्य हरिबोल बोगटी पनि आसन्न स्थानीय तहको निर्वाचनमा नेकपा एमालेको तर्फबाट काठमाण्डौ महानगरपालिका वडा नं ६ को अध्यक्षमा सम्भावित दावेदारका रुपमा रहेका छन।
लामो समय देखि नेकपा एमालेमा सक्रिय रहेका बोगटी राजनीति संगै विभिन्न सामाजिक गतिविधिहरुमा पनि सक्रिय रहेका छन।
३.बसन्त लामा
नेकपा एमाले काठमाण्डौ महानगरपालिका वडा नं ६ कमिटीका अध्यक्ष बसन्त लामा पनि आसन्न स्थानीय तहको निर्वाचनमा नेकपा एमालेको तर्फबाट काठमाण्डौ महानगरपालिका वडा नं ६ को अध्यक्षमा सम्भावित दावेदारका रुपमा रहेका छन।
राजनीति संगै विभिन्न सामाजिक गतिविधिहरुमा पनि सक्रिय लामा बौद्ध नाथ क्षेत्र विकास समितीका कार्यकारी निर्देशक समेत हुन्।
