ओखलढुंगा श्रीचौरका दुई घरमा आगलागी,२५ लाख बढिको क्षति भएको अनुमान

कपन अनलाइन

काठमाण्डौ ,माघ १२ ।

ओखलढुंगा श्रीचौरका दुई घरमा आगलागी हुँदा २५ लाख बढिको क्षति भएको छ ।बुधबार बिहान ९ बजेको समयमा विद्युत सर्ट भइ आगलागी हुँदा मोलुङ ६ श्रीचउरका थाल बहादुर तामाङको दुई घर जलेर नष्ट भएको हो ।

आगलागीका कारण घर, धनमाल, लत्ताकपडा सहित भाडावर्तन सबै जलेर नष्ट हुँदा २५ लाख बढिको क्षति भएको प्रारम्भिक अनुमान गरिएको छ ।

घर भित्र रहेको नगद्, सुनचाँदीका गरगहना, लत्ताकपडा सहित सबै जलेर नष्ट भएको उनले जानकारी दिएका छन् ।परिवारका सदस्य कोही छिमेकीको विवाहमा  र कोही घाँस दाउरा गर्न गएका बेला विद्युत सर्ट भइ आगलागी भएको हुनसक्ने जिल्ला प्रहरी कार्यालय ओखलढुंगाका प्रहरी निरिक्षक लंक श्रेष्ठले बताएका छन  । घटनाबारे अनुसन्धान भइहेको उनले जानकारी दिएका छन् ।फोटो सौजन्य : भिजन समाचार