बुढानीलकण्ठ नगरकप फुटबल प्रतियोगीता हुने
कपन अनलाइन चैत्र ४ /सदाबहार खेलकुद समाज बुढानीलकण्ठ १४ कपनले नगरस्तरीय “सिक्स ए साइड” फुटबल प्रतियोगीताको आयोजना गर्ने भएको छ । सांस्कृतिक र प्राकृतिक रुपले समृद्ध यस नगरपालिका खेलकुदको क्षेत्रमा समेत महत्वपूर्ण नगर रहेको छ ।
मार्सल आर्टका विभिन्न खेलहरु सहित बास्केटबल,ह्याण्डबल र क्रिक्रेट खेलको समेत प्रचुर सम्भावना बोकेको यस नगरपालिकाका सम्पूर्ण खेलकर्मीहरुलाई एकै स्थानमा ल्याउनका लागि यस प्रतियोगीता आयोजना गर्न लागिएको प्रतियोगीता संयोजक एवम् सदाबहार खेलकुद समाजका सचिव बदि« भट्टराईले कपन अनलाईनलाई बताए ।
खेलको माध्यमबाट बुढानीलकण्ठका सम्पूर्ण युवाहरुलाई एकै स्थानमा ल्याएर आपसी सहयोग, सदभाव एवम् भाईचारा बृद्धिका लागि समेत यस प्रतियोगीता महत्वपूर्ण हुने उनले बताए । बुढानीलकण्ठ नगरपालिका कप नामाकरण गरेर आयोजना हुन लागिएको यस प्रतियोगीताको प्रथम संस्करणलाई पूर्ण व्यवसायीक भन्दा पनि मैत्रीपूर्ण रुपमा प्रतियोगीता सम्पन्न गराउने उद्येश्य रहेको समेत समाजले बताएको छ । चैत्र अन्तिम साताबाट सुभारम्भ हुने यस प्रतियोगीताको लागि सहभागी दर्ता फारम वितरण सुरु भईसकेको छ ।
प्रतियोगीता सम्पन्न गर्नका लागि अनुमानीत रु चार लाख पैतालीस हजार लाग्ने बताउदै सहयोगका लागि सबै पक्षसंग आग्रह गरिएको समाजका कोषाध्यक्ष एवम् आयोजक समितिका सदस्य राजुविक्रम थापाले बताउनु भयो । प्रतियोगीतामा विजयी हुने टिमले नगद सहित अन्य पुरस्कार पाउने जानकारी कपन अनलाइनलाई प्राप्त भएकाृ छ । प्रतियोगीताको उद्घाटन खेल यस नगरभित्र बसोबास गर्ने सभासदहरु र नगरपालिकाका कर्मचारीहरुको विचमा गराउने प्रयास समेत भईरहेको समाजका अध्यक्ष नवराज तिमल्सिनाले बताउनु भयो ।
सोहि प्रतियोगीताको अवसर पारेर सदाबहार खेलकुद समाजले बुढानीलकण्ठ नगरभित्र रहेका अन्तराष्ट्रिय स्तरका खेलाडीहरुलाई एकै ठाँउमा जुटाउने भएको छ । चैत्र अन्तिम साता हुन लागेको सो जमघटका लागि समाजले सम्पूर्ण नगरवासीको सहयोग मागेको छ । बुढानीलकण्ठ नगरका भित्रका राष्ट्रिय तथा अन्तराष्ट्रिय स्तरका आधिकारीक प्रतियोगीतामा सहभागीता जनाएका एवम् पदक विजेता खेलाडीहरुलाई एकै मञ्चमा ल्याउनका लागि समेत यस प्रतियोगीता आयोजना गर्न लागिएको समेत बताइएको छ ।
