रोचक बन्दै नेपाली कांग्रेस बुढानिलकण्ठ नगर सभापति दौड, “थ्री आर” को भिडन्त

कपन अनलाइन

काठमाण्डौ ,असोज १०।

इकाई अधिवेसन र क्षेत्रीय प्रतिनिधि चयन संगै नेपाली कांग्रेस बुढानिलकण्ठको सभापति दौड निकै रोचक बन्दै गएको छ। बुढानिलकण्ठ नगरपालिकाका १३ वटा वडाको नेतृत्व गर्ने आकर्षक सभापति पदका लागि अहिले आकांक्षीहरु आन्तरिक तयारी र प्रचार प्रसारमा घनिभूत तरिकाले लागेका छन।

नेपाली कांग्रेस बुढानिलकण्ठको सभापतिका लागि अहिले नेताहरु राजाराम बुढाथोकी,राजुबिक्रम थापा र राजन बुढाथोकी दौडमा देखिएका छन। नगर सभापतिको दौडमा रहेका तिन जनाको नामको पहिलो अक्षर अंग्रेजीको आर र नेपालीको र बाट हुनुलाई अहिले निकै रोचक रुपमा चर्चा परिचर्चा पनि गर्न थालिएको छ।

नगर सभापतिको दौडमा रहेका राजन बुढाथाेकी क्षेत्र नं ५ मा पर्ने वडा नं ६ बाट क्षेत्रीय प्रतिनिधि बनेका छन भने  राजाराम बुढाथाेकी क्षेत्र नं ४ मा पर्ने वडा नं ११ र  राजुविक्रम थापा वडा नं १२ बाट क्षेत्रीय प्रतिनिधि बनेका छन।