नागार्जुन –७ स्वीट्जरल्यान्ड पार्क नजिक टिपर दुर्घटना ,एकजनाको मृत्यु

कपन अनलाइन

काठमाडौँ, श्रावण २३।

नागार्जुन नगरपालिका–७, स्वीट्जरल्यान्ड पार्कनजिकै टिपर दुर्घटना हुँदा एकजनाको घटनास्थलमै मृत्यु भएको छ ।

बिहीबार साँझ भएको दुर्घटनामा सोही टिपरका कामदार सर्लाहीको लालबन्दीका ३९ वर्षीय सोमबहादुर बलको मृत्यु भएको हो । बा५ख १८६० नम्बरको टिपर पल्टँदा च्यापिएर उनको मृत्यु भएको जनाइएको छ ।

दुर्घटनापछि फरार रहेका टिपर चालकको खोजी भइरहेको महानगरीय प्रहरी वृत स्वयम्भूले जनाएको छ ।