वीपीले देखाएको बाटो कांग्रेसले आत्मासाथ गर्न सक्नुपर्छ : प्रकाशमान सिंह

कपन अनलाइन

काठमाडौँ, श्रावण ६ ।  नेपाली कांग्रेसका नेता प्रकाशमान सिंहले वीपीले देखाएको बाटो आत्मासाथ गर्न सक्नु अहिलेको कांग्रेसजनको आवश्यकता भएको बताएका छन । ३९औँ वीपी स्मृति दिवसका अवसरमा उनले वीपीको राजनीतिक योगदानको स्मरण गरेका हुन  ।

नेता सिंहले वीपीले देखाएको देश र जनतालाई सर्वोपरि ठान्ने, संविधानवाद् र प्रजातन्त्रको बाटोमा हिँड्ने तथा गलत कुरामा कसैसँग सम्झौता नगर्ने विषयलाई वर्तमान कांग्रेस नेतृत्वले आत्मासाथ गर्नुपर्ने बताएका छन्  । नेपाली जनतालाई स्वतन्त्रता प्रदान गर्दै प्रजातन्त्रको दियो बालेर रैतीबाट नागरिक बनाउनका लागि वीपीले गरेको योगदान स्मरणीय भएको भन्दै उनले आफूलाई संकटमा पारेर पनि देश, जनता र प्रजातान्त्रका प्रति वीपीको दृढ संकल्पको जति प्रशंसा गरेपनि कम हुँने उल्लेख गरे।साथै नेता सिंहले मुस्लिम धर्मावलम्बीहरूको महान चाड इदका अवसरमा सबै मुस्लिम समुदाय तथा आम नेपाली समूदायमा शुभकामना व्यक्त गरेका छन् ।

फाइल फोटो