मन्त्री अम्बिरबाबु गुरुङले माफी माग्नुपर्ने भन्दै प्रदेस नं १ को प्रदेस सभा बैठक अवरुद्ध
कपन अनलाइन
काठमाण्डौ ,असार २०।
भौतिक पूर्वाधार विकास मन्त्री अम्बिरबाबु गुरुङले माफी माग्नुपर्ने माग गर्दै नेकपा माओवादी केन्द्रले आइतबार पनि प्रदेश १ संसद् बैठक पनि अवरुद्ध पारेको छ ।
विनियोजन विधेयकमाथि मन्त्रालयबारे सदनमा उठेका प्रश्नको जवाफ दिने क्रममा मन्त्री गुरुङले माओवादी सांसद मोहनकुमार खड्काको नाम लिएर अमर्यादित टिप्पणी गरेको भन्दै माओवादी केन्द्रले मन्त्रीको माफी माग्नुपर्ने र मन्त्री गुरुङको भनाइ संसदको रेकर्डबाट हटाउनुपर्ने माग गर्दै संसद अवरुद्ध गरेको हो।
१४ र १५ असारमा बैठक अवरुद्ध पारेको माओवादी केन्द्रका सांसदले आइतबार पनि बैठक सुरु हुनेबित्तिकै उठेर विरोध जनाएका थिए । माओवादी केन्द्रका सांसदहरूले अवरुद्ध पारेपछि सभामुखले बैठक स्थागित गर्दै अर्को बैठक सोमबार दिउँसो २ बजेका लागि बोलाएका छन् ।
आइतबारको बैठकमा विनियोजन विधेयक २०७८-७९ अन्तर्गत सामाजिक विकास मन्त्रालयसँग सम्बन्धित शीर्षकमाथि छलफल हुने कार्यसूची थियो ।
