कागेश्वरी ४ ब्रम्हखेलको ऐतिहासिक ढुड्गेधारा सुधार कामको अनुगमनमा नगर प्रमुख कृष्णहरि थापा

कपन अनलाइन

काठमाडौं,जेठ २६ । कागेश्वरी मनोहरा नगरपालिका वडा नं. ४ स्थित ब्रम्हखेलमा रहेको ऐतिहासिक ढुड्गेधारा सुधारका कामको नगर प्रमुख कृष्णहरि थापाले  अनुगमन गरेका छन। मंगलबार नगर प्रमुख  थापा ,वडा नं ४ का वडा अध्यक्ष भाइकाजी अधिकारी सहितको टोलीले उक्त धारा सुधार कामको  अनुगमन गरेका हुन ।

विश्वभर महामारीको रुपमा रहेको कोरोना भाइरस (कोभिड १९) को रोकथाम, नियन्त्रण र व्यवस्थापनको साथ साथै नगरपालिकाले विकास निर्माणका कामहरुलाई पनि तिब्र रुपमा सञ्चालन गरिरहेको छ । आफ्नो पांच बर्षे कार्यकालको दौरान तीन वर्ष सम्म नगरपालिकाको दीर्घकालीन योजना तथा प्रशासनिक नीतिगत र कानुनी पूर्वाधार निर्माण गर्न केन्द्रित भएका नगर प्रमुख  कार्यकालको अन्तिम वर्ष नगरमा भए गरेका विकास निर्माण तथा आगामी दिनमा गर्न पर्ने  विकास निर्माणको लागि जनता माझ पुग्दै आएका छन।

 टोल टोलमा मेयर अभियान नै संचालन गर्दै आएका नगर प्रमुख थापा अहिले कोरोना कहरको बिचमा पनि आवश्यक स्वास्थ्य सुरक्षा मापदण्ड पालन गर्दै नगरपालिका भित्र भए गरेका विकास निर्माणको काम गर्दै आएका छन ।